Wika bilang instrumento

 

Magandang araw, aking tatalakayin ang pagkakaiba at pagkakatulad ng bansang Pilipinas at Malaysia. Mag sisimula ako sa bansang Malaysia. Kilala ang Malaysia sa pagiging isang multilingual na bansa. May isang daan at tatlong pu't pito (137) na wika ang ginagamit. Ang wikang pambansa ng Malaysia ay ang wikang Malay. Ang iba pang mga karaniwang sinasalitang wika ay may kasamang Ingles, Mandarin at Tamil. Walang alinlangan, ang Malaysia ay naging isang mosaic ng mga wika dahil sa pagkakaiba-iba nito. Karamihan sa mga tao sa Malaysia, lalo na ang nakababatang henerasyon, ay maraming wika at marunong mag salita ng maraming wika na may iba't ibang katatasan. Ang mga salitang balbal na ginamit mula sa maraming wika at dayalekto ay ginagamit sa araw-araw na praktikal saan man sa Malaysia. Ang wikang Malay (Bahasa Malaysia) ay nagmula sa Sumatra at hindi lamang sinasalita sa Malaysia kundi pati na rin sa mga karatig bansa tulad ng Brunei, Indonesia at Singapore pati na rin ang mga bahagi ng Thailand. Sinasabing mayroong limang makasaysayang panahon sa pag-unlad ng wikang Malay ito ay ang Old Malay, the Transitional Period, the Malacca Period (Classical Malay), Late Modern Malay at modern Malay. Ang bawat mamamayan ng Malaysia ay kinakailangang malaman ang wikang pambansa mula sa isang batang edad at ito ay itinuturing na ang nag bubuklod na kadahilanan na pinag-iisa ang iba't-ibang mga etniko na grupo sa Malaysia bilang isang medium ng komunikasyon.

 

Dumako naman tayo sa ating bansa. Ang Pilipinas ay may isang daan at dalawangpu hanggang isang daan at walong pu't pito (120-187) na wika ng sinasalita depende sa klasipikasyon. Ang pambansang wika ng Pilipinas ay Filipino. Mayroon pang mga wikang sinasalita sa Pilipinas tulad ng Ingles at Korean na kadalasang naririnig sa mga kabataan dahil sa hilig sa KPOP. Kadalasan ding ginagamit ang wikang Ingles ng mga gobyerno sa kanilang mga operasyon. Ginagamitsa pang araw-araw ang mga salitang balbal na nag mumula sa mga iba’t-ibang wika. Bago maging ganap na pambansang wika ang Filipino, Espanyol ang naging wika ng Pilipinas higit pa sa tatlong siglo. Ang wikang Filipino ay nagmula sa Tagalog. Parehong Filipino at Ingles ang itinuturing na opisiyal na wika ng Pilipinas. Ginagamit ang wikang Filipino sa gobyerno, sa edukasyon, sa pagbabalita at maging sa mga business. Ang Filipino ay mayroong mga salitang hiniram mula sa ibang wika tulad ng Ingles, Espanyol, Arabic, Malay at iba pang wika. Ang bawat mamamayan sa Pilipinas ay kinakailangan matuto ng wikang Filipino sa mas maagang panahon dahil pinag kakaisa nito tayong mga Pilipino.

 

Ang pagkakatulad ng wika ng bansang Pilipinas at Malaysia. Ang dalawang bansang ito ay mayroong napaka dami wika o tinatawag na multilingualismo. Ang Pilipinas ay mayroong isang daan at pitong pu't lima o 175 na wika at ang apat sa wika na ito ay tuluyan ng lumipas. Ang Malaysia naman ay mayroong isang daan at tatlong pu't pito o 137 na wika at ang apat na pu't-isa dito ay natagpuan lamang sa iisang lugar. Ang isa pang pagkakatulad ng bansang pilipinas at malaysia ay pareho silang marunong ng salitang ingles. Bukod sa pagkakatulad ng wikang Filipino at wikang malay mayroon din itong pagkakaiba. Isa na rito ay ang mga karaniwang sinasalita sa mga magkabilang bansa. Bukod sa wikang pambansa mayroon tatlong ginagamit sa bansang malaysia ito ay ang ingles, mandarin at tamil. Samantalang ang pilipinas ay wikang ingles lamang ang ginagamit bukod sa wikang filipino. Isa na rin sakanilang pagkakaiba ay ang mga kabataan sa malaysia at pilipinas. Sa Malaysia ang mga bata ay maraming wika at marunong magsalita ng iba't-ibang wika kumpara sa atin mga pilipino na ang pangunahing wikang dapat lamang matutunan ay wikang Filipino at Wikang Ingles. Pagdating naman sa mga salitang balbal madalas at kung saan saang parte ng Malaysia ito ginagamit samantalang sa bansang Pilipinas ang salitang mga balbal ay ginagamit lamang sa mga urban na lugar. Sa tingin ko ang natatanging pagkakaiba ng wikang Malay at ng wikang Filipino ay ang pag gamit nating mga Pilipino ng salitang “po” at “opo” bilang pagbibigay ng respeto sa mga na katatanda samantalang sa wikang Malay ay gumagamit lamang sila ng kilos sa pagpapakita ng respeto sa mga nakakatanda sakanila. Napili ko ang bansang malaysia upang ihambing saating bansa dahil sa mga pagkakatulad ng ating wika sakanila. Napili ko din ito upang mas makilala ng nakararami ang bansang malaysia.

 

Bilang isang Filipino kailangan natin protektahan at alagaan ang ating wika dahil ito ang nag bubuklod at nakakapag isa saatin. Dahil sa wika nagkakaroon tayo ng pagkakaisa. Dapat rin natin ito pagyamanin dahil kung tuluyan mag kakaiba iba ang ating wika ay mahihirapan tayo na magkaroon ng magandang komunikasyon. Ang wikang Filipino ay dapat din pag ingatan dahil napaka laki ng ambag nito sa ating bansa dahil ang wika ang ginagamit ng mga ninuno at ng mga bayani upang maipaglaban at maipagmalaki ang pilipinas mula sa mga banyaga. Mapapayaman natin ang wikang filipino sa pamamagitan ng pag gamit nito sa araw araw at pagbibigay impormasyon sa mga bata patungkol sa wikang filipino.